Франция терма жамоаси мураббийи Ги Стефан ЖЧ-2026 3-туридан ўрин олган Норвегия устидан қозонилган ғалаба (4:1) ҳақида фикр билдирди. Франция терма жамоаси бош мураббийи Дидье Дешам онасининг вафоти сабабли ўйинни ўтказиб юборди.
«Биринчи навбатда, ҳозир барча хаёлимиз Дидье Дешам билан. Биз унинг қайтишини интиқлик билан кутмоқдамиз ва эртага у машғулотларда биз билан бирга бўлади.
Ўйиннинг ўзига келадиган бўлсак, биз бажаришимиз керак бўлган ишни қилдик. Жамоа юқори шиддат ва кўплаб вазиятлар билан, завқланиб тўп сурди. Биз тўртта гол урдик. Усмон Дембеле хет-трик қайд этди, Дезире Дуэ эса ЖЧдаги илк голини бош билан киритди. Буларнинг барчаси ижобий ҳолатлар ва биз уларни янада ривожлантиришимиз керак», — деди Стефан.
