Колумбия терма жамоаси бош мураббийи Нестор Лоренсо жаҳон чемпионати — 2026 гуруҳ босқичи 3-туридан ўрин олган ўзаро ўйинда (28 июнь) муваффақият қозониш учун унинг жамоаси Португалия футболчилари Криштиану Роналду ва Витиньяга қарши қандай ҳаракат қилиши кераклиги ҳақида гапириб берди.

«Португалия — бу Криштиану Роналду ва бошқа барча футболчиларга қарши жуда эҳтиёткорлик билан ўйнаш керак бўлган жамоа. Фақатгина бир ўйинчига бор эътиборни қаратиб бўлмайди, акс ҳолда улар сени бошқа томондан айланиб ўтишади. Барча футболчиларга нисбатан диққатли бўлиш лозим, чунки уларнинг ҳаммаси хавфли.

Витинья ҳам, Роналду ҳам ҳал қилувчи ролни ўйнайди. Бири ўйинни назорат қилади ва стратегияни белгилайди, иккинчиси эса ҳужумларни якунлайди. Умид қиламизки, жамоамиз уларни тўхтата олади, яъни Витиньяга тўп билан ўзи хоҳлагандек ишлашига йўл қўймайди ва Криштианунинг жарима майдончаси ичида кўплаб узатмаларни қабул қилиб олишига тўсқинлик қилади», — дея Лоренсонинг сўзларидан иқтибос келтирмоқда A Bola.