Kolumbiya terma jamoasi bosh murabbiyi Nestor Lorenso jahon chempionati — 2026 guruh bosqichi 3-turidan o‘rin olgan o‘zaro o‘yinda (28 iyun) muvaffaqiyat qozonish uchun uning jamoasi Portugaliya futbolchilari Krishtianu Ronaldu va Vitinyaga qarshi qanday harakat qilishi kerakligi haqida gapirib berdi.
«Portugaliya — bu Krishtianu Ronaldu va boshqa barcha futbolchilarga qarshi juda ehtiyotkorlik bilan o‘ynash kerak bo‘lgan jamoa. Faqatgina bir o‘yinchiga bor e’tiborni qaratib bo‘lmaydi, aks holda ular seni boshqa tomondan aylanib o‘tishadi. Barcha futbolchilarga nisbatan diqqatli bo‘lish lozim, chunki ularning hammasi xavfli.
Vitinya ham, Ronaldu ham hal qiluvchi rolni o‘ynaydi. Biri o‘yinni nazorat qiladi va strategiyani belgilaydi, ikkinchisi esa hujumlarni yakunlaydi. Umid qilamizki, jamoamiz ularni to‘xtata oladi, ya’ni Vitinyaga to‘p bilan o‘zi xohlagandek ishlashiga yo‘l qo‘ymaydi va Krishtianuning jarima maydonchasi ichida ko‘plab uzatmalarni qabul qilib olishiga to‘sqinlik qiladi», — deya Lorensoning so‘zlaridan iqtibos keltirmoqda A Bola.
