Футбол бўйича 2026 йилги жаҳон чемпионати «H» гуруҳи 3-туридан ўрин олган Уругвай ва Испания терма жамоалари ўртасидаги учрашув якунланди. Матч «Фурия Роха» фойдасига 1:0 ҳисобида якунланди.
Учрашувнинг 42-дақиқасида Испания терма жамоаси ҳужумчиси Алекс Баэна ҳисобни очди. Биринчи бўлим якунида Уругвай терма жамоаси ярим ҳимоячиси Мануэль Угарте майдон марказидаги курашда жароҳат олди. Футболчи ўрнидан тура олмади ва майдонни замбилда тарк этди. Танаффусда Уругвай терма жамоаси дарвозабони Фернандо Муслера алмаштирилди, у гол ўтказиб юборилган вазиятда хатога йўл қўйган эди.
«H» гуруҳидаги учта турдан сўнг Уругвай терма жамоаси икки очко жамғариб, учинчи ўринни эгаллади. Испания етти очко билан биринчи поғонадан жой олди. Иккинчи ўринда Кабо-Верде (3 очко), тўртинчида эса Саудия Арабистони (2 очко).
