Кабо-Верде терма жамоаси сенсацион тарзда гуруҳда иккинчи ўринни эгаллади ва Жаҳон чемпионатининг 1/16 финалига йўл олди.
Сўнгги тур баҳсида кабо-верделиклар Саудия Арабистони билан голсиз дуранг ўйнашди, бундан аввал эса Уругвай (2:2) ва Испания (0:0) билан очко бўлишишганди. Бу натижа плей-оффга чиқиш учун кифоя қилди.
Opta маълумотларига кўра, Кабо-Верде Жаҳон чемпионатида бирорта ҳам ғалабасиз гуруҳдан чиққан 28 йил ичидаги илк терма жамоадир. ЖЧ-1998 мусобақасида Чили ҳам худди шундай учта дуранг билан буни уддалаган эди.
Эътиборли жиҳати, Кабо-Верде ЖЧ-2010 йилги Словакиядан кейин плей-оффга чиққан илк мундиал дебютанти бўлди.
1/16 финалда Африка вакиллари амалдаги чемпион – Аргентинага қарши майдонга тушади.
