Испания терма жамоаси бош мураббийи Луис де ла Фуэнте ЖЧ-2026 гуруҳ босқичининг сўнгги турида Уругвайга қарши кечган ғалабали ўйин (1:0) ҳақидаги фикрлари билан ўртоқлашди.
«Бугунги ўйин жуда қийин ўтди. Уругвайнинг прессинги ишимизни қийинлаштирди – кетма-кет учта аниқ узатмани ҳам амалга ошира олмадик. Ҳимояда ҳам осон бўлмади», – дея де ла Фуэнтенинг сўзларини келтиради The Touchline.
Испания терма жамоаси 7 очко жамғариб, гуруҳда биринчи ўринни эгаллади. Иккинчи ўрин Кабо-Вердега (3) насиб этди, Уругвай ва Саудия Арабистони (2 тадан очко) эса турнир билан хайрлашди.
