Бельгия терма жамоаси ЖЧ-2026 гуруҳ босқичининг 3-туридан ўрин олган ўйинда Янги Зеландия устидан йирик ҳисобда ғалаба қозонди — 5:1.
Бельгияликлар таркибида Леандро Троссар дубль қайд этди. «Арсенал» ярим ҳимоячиси 28 ва 50-дақиқаларда рақиб дарвозасини ишғол қилди. Шунингдек, Кевин Де Брюйне (66-дақиқа), Ромелу Лукаку (86) ва Алексис Салемакерс (90+4) ҳам биттадан гол уришга муваффақ бўлишди.
Янги зеландияликларнинг ягона жавоб тўпини 84-дақиқада Элайжа Жаст киритди, бу гол у учун ушбу Жаҳон чемпионатидаги учинчиси бўлди.
Бельгия 5 очко билан G гуруҳида биринчи ўринни эгаллади ва ЖЧ-2026 плей-офф босқичига йўл олди. Жамоанинг 1/16 финалдаги рақиби кейинроқ маълум бўлади. Янги Зеландия эса 1 очко билан сўнгги ўринни банд этди ва Жаҳон чемпионатидаги иштирокини якунлади.
