Ўзбекистон миллий жамоаси бош мураббийи Фабио Каннаваро Конго ДРга қарши ўйиндан кейин ўз фикрларини билдириб ўтди.

— Биринчи бўлимда жуда кўп энергия сарфладик. Бугунгача жисмоний тайёргарлигимиз яхши эди, бугун ҳам шу жиҳатдан яхши ҳаракат қилдик. Рақибимиз ҳам жисмоний томондан яхши шаклланган жамоа экан. Биз ўйиндан олдин тўпни назорат қилмасак, қийин бўлишини билардик. Иккинчи бўлимда хатолар қилдик ва шу сабабли голлар ўтказиб юбордик.

Бугун биринчи таймни жуда яхши бошладик, кўплаб имкониятларга эга бўлдик. Иккинчи бўлимда эса хатолар қила бошладик.

Бу мусобақа мен учун ҳам, футболчилар учун ҳам катта тажриба бўлди. Ўйлайманки, бу келажакда бизга катта мотивация беради.

Албатта, футболчилар билан жуда кўп мулоқот қилдим. Гуруҳимизда кучли жамоаларга қарши ўйнашимиз кераклигини билардик. Лекин ушбу натижадан афсусдамиз.

Ҳа, биз хатолар қилдик. Бироқ мен футболчилардан умуман шикоят қилмоқчи эмасман. Улар қўлларидан келган барча ишни қилишди ва мен улардан фахрланаман.