Дортмунднинг «Боруссия» клуби собиқ ярим ҳимоячиси Юлиан Брандт фаолиятини Италияда давом эттириши мумкин.
La Stampa нашри тарқатган хабарга кўра, «Ювентус» германиялик футболчини ўз сафига қўшиб олишга қизиқиш билдирмоқда. Турин клуби яқин орада ўйинчига шартнома бўйича расмий таклиф билан чиқиш ниятида. Брандт «Боруссия»дан кетганидан сўнг эркин агент мақомида бўлиб турибди, шу сабабли уни текинга (эркин агент сифатида) қўлга киритиш имконияти мавжуд.
Юлиан Брандт 2019 йилда «Байер»дан Дортмунднинг «Боруссия» клубига 25 миллион евро эвазига ўтган эди. 2025/26 йилги мавсумда ярим ҳимоячи Германия клуби сафида барча турнирларда 41 та ўйинда майдонга тушиб, 11 та гол урди ва тўртта голли узатмани амалга оширди. Transfermarkt портали Брандтнинг трансфер қийматини 15 миллион еврога баҳоламоқда.
