Ҳужумчи Душан Влахович «Бешиктош» клубига ўтиши мумкин.

Инсайдер Фабрицио Романонинг берган маълумотларига кўра, ОАВдаги миш-мишларга қарамай, форвард Туркия клубининг таклифини рад этгани йўқ. Сербиялик футболчи шунчаки музокараларда бироз танаффус олишга қарор қилган. «Бешиктош» ҳужумчига бир мавсум учун 7 миллиондан 8 миллион еврогача бўлган маош билан шартнома таклиф қилмоқда.

Душан Влахович 2022 йилда «Фиорентина»дан «Ювентус»га 85 миллион евро эвазига ўтган эди. Унинг шартномаси 2026 йилнинг 30 июнига қадар мўлжалланган. 2025/26 йилги мавсумда ҳужумчи Турин клуби сафида барча турнирларда 23 та ўйинда майдонга тушиб, 10 та гол урди ва иккита голли узатмани амалга оширди. Transfermarkt портали Влаховичнинг трансфер қийматини 35 миллион еврога баҳоламоқда.