Мадриднинг «Реал» ва Туриннинг «Ювентус» клублари собиқ ярим ҳимоячиси Зинедин Зидан Франция терма жамоасининг икки юлдуз ҳужумчиси — Усмон Дембеле ва Килиан Мбаппе ҳақида гапирди.
«Икки бутунлай бошқача футболчи. Усмон камтарроқ, у доимо мураббийга қулоқ солади. Ҳимояда меҳнат қилади, шерикларига ёрдам беради. Мбаппе эса тажовузкорроқ (агрессив) ўйинчи. Килиан бир неча сония ичида ўйин боришини ўзгартириб юборишга қодир. Уларнинг иккаласи ҳам ўзига хос футболчилар: бири жамоани кучлироқ қилади, иккинчиси эса бир сонияда тарихни ўзгартира олади», — дея «Зизу»нинг сўзларини ижтимоий тармоқлардаги Motivaciones Futbol аккаунти келтирмоқда.
Жаҳон чемпионати — 2026нинг 1/16 финалида Франция Швеция терма жамоаси билан тўқнаш келади.
