Аргентина терма жамоаси ярим ҳимоячиси Николас Пас жамоадоши Лионель Месси ҳақида ўз фикрлари билан ўртоқлашди.
«Комо» клубининг 21 ёшли футболчиси Жаҳон чемпионатида илк бор асосий таркибда майдонга тушди — у Иорданияга қарши баҳснинг (3:1) 60-дақиқасигача ҳаракат қилди. Айнан ўша дақиқада майдонда Месси пайдо бўлди ва орадан 20 дақиқа ўтиб, рақиб дарвозасини ишғол қилган ҳолда учрашувнинг якуний ҳисобини ўрнатди.
«Бу шунчаки телбалик. Ёши нечида бўлишидан қатъи назар, у бизни кундан-кунга ҳайратда қолдиришда давом этмоқда. Ҳар бир ўйинда у жамоа учун қанчалик муҳим эканлигини кўрсатиб беряпти ва бу ақл бовар қилмайдиган даражада. Лео мана шундай руҳда давом этади деб умид қиламан», — дея Паснинг сўзларини The Touchline нашри келтирмоқда.
Лионель Месси 6 та гол билан ЖЧ-2026 тўпурарлар рўйхатида пешқадамлик қилмоқда ва энг яқин таъқибчиларидан иккита голга олдинда бормоқда.
