Миср терма жамоасининг юлдуз форварди Муҳаммад Салоҳ гуруҳ босқичининг сўнгги тури доирасидаги Эронга қарши ўйинда жароҳат олди. Учрашув 1:1 ҳисобидаги дуранг билан якунланди.
Миср футбол федерацияси матбуот хизматининг хабар беришича, ҳужумчи тиббий кўрикдан ўтган ва унинг натижаларига кўра, футболчининг сони орқа мушаги чўзилгани ташхиси қўйилган. Салоҳ аллақачон тикланиш муолажаларини бошлаб юборган.
Миср терма жамоаси ўз квартетида иккинчи ўринни эгаллади ва Жаҳон чемпионати — 2026нинг плей-офф босқичига йўл олди. Ушбу нуфузли турнирдаги навбатдаги баҳсда африкаликларга Австралия миллий терма жамоаси рақиблик қилади.
