Колумбия терма жамоаси устози Нестор Лоренсо Жаҳон чемпионати — 2026 гуруҳ босқичи учинчи тури доирасида Португалия термасига қарши кечган баҳсдан сўнг ўз фикрлари билан ўртоқлашди. Жамоалар учрашувда 0:0 ҳисобидаги дурангга имзо чекишди.
«Биз яхши ўйин ўтказдик. Назаримда, жамоамиз ғалабага лойиқ ҳаракат қилди, гол уриш учун бизда етарлича вазиятлар бўлди. Бироқ ушбу учрашувда бизга аниқлик етишмади. Бизга Португалия қиёфасидаги кучли рақиб қаршилик кўрсатди, аммо мен биз яхшироқ ҳаракат қилдик деб ҳисоблайман», — дея мутахассиснинг сўзларини ФИФА матбуот хизмати келтирмоқда.
Колумбия терма жамоаси ўз гуруҳида биринчи ўринни эгаллади. Лоренсо шогирдлари мундиалнинг 1/16 финали доирасидаги навбатдаги учрашувни Гана терма жамоасига қарши ўтказишади.
