Португалия терма жамоаси ўз гуруҳида биринчи ўринни эгаллай олмади ва пешқадамликни Колумбияга бой берди. Сўнгги турда бўлиб ўтган ўзаро баҳсда жамоалар гол ура олишмади (0:0). Португалияликлар 5 очко, колумбияликлар эса 7 очко жамғаришди. Шу тариқа, кўпчилик интиқлик билан кутаётган Криштиану Роналду ва Лионель Мессининг майдондаги тўқнашуви энди фақатгина Жаҳон чемпионати финалида содир бўлиши мумкин — улар унгача бўлган босқичларда ўзаро тўқнаш келмасликлари энди аниқ.

3 июль куни Португалия 1/16 финал доирасида Хорватияга қарши майдонга тушади. Бир кун ўтиб эса, Аргентина плей-оффнинг илк раундида Кабо-Верде билан куч синашади.

Катта эҳтимол билан, ЖЧ-2026 ҳам Роналду, ҳам Месси учун фаолиятларидаги сўнгги мундиал бўлади. Криштиану шу йилнинг февраль ойида 41 ёшини кутиб олган бўлса, Лео турнир давомида 39 ёшга тўлди.