Испания терма жамоаси Жаҳон чемпионати гуруҳ босқичи учинчи тури доирасида Уругвайга қарши кечган ўйинда (1:0) жароҳат олган Йереми Пино ва Нико Уильямснинг тиббий кўрик натижаларини қабул қилиб олди.
Қироллик Испания футбол федерацияси хабар беришича, Пинонинг ўнг ўмров суяги сингани ўз тасдиғини топмади. Вингерда елка бўғими бойламларининг шикастланиши ташхиси қўйилган.
Ўз навбатида, Нико Уильямсда рақиб билан тўқнашувдан сўнг ўнг сонининг яқинлаштирувчи мушаги шикастлангани аниқланган.
Федерация ҳар икки жароҳат ҳам ўртача оғирлик даражасида эканлигини қайд этди. Футболчилар Испания терма жамоаси ихтиёрида қолишади, уларнинг кейинги ўйинлардаги иштироки бўйича қарор эса тикланиш суръатига қараб қабул қилинади.
