«ПСЖ» ҳимоячиси Эммануэль Мбемба фаолиятини Англия Премьер-лигасида давом эттириши мумкин. Бу ҳақда BBC Sport нашри хабар бермоқда.
Манбанинг маълумотларига кўра, «Борнмут» клуби «ПСЖ»нинг 18 ёшли футболчиси учун кечаётган курашда «Арсенал»га шерик бўлган. Шу ёзда Мбемба парижликлар лагерини эркин агент мақомида тарк этади.
Таъкидланишича, «Арсенал»нинг таклифи ҳимоячида катта таассурот қолдирган, бироқ «Борнмут» ҳам унга арзигули таклиф юборган.
Якунланган мавсумда Мбемба «ПСЖ» ёшлар жамоаси таркибида 28 та ўйинда майдонга тушиб, 2 та гол уришга муваффақ бўлган.
Эслатиб ўтамиз, 2025/26 йилги мавсум якунларига кўра «Арсенал» Англия чемпионига айланган эди.
