Англия терма жамоаси жаҳон чемпионати гуруҳ босқичини Панама устидан қозонилган ғалаба (2:0) билан якунлади. Учрашувдан сўнг жамоа бош мураббийи Томас Тухель ҳужумчи Харри Кейннинг эришган натижаси ҳақида фикр билдирди.

Футболчи жаҳон чемпионатларида Англия терма жамоаси сафида урилган голлар сони (11 та) бўйича Гари Линекерни (10 та) ортда қолдириб, янги рекорд ўрнатди.

«Харри учун ҳамма жуда хурсанд, чунки у ажойиб жамоадош. Харри айни пайтда ҳам руҳан, ҳам жисмонан аъло даражадаги спорт формасида. У ушбу турнирда охиригача бормоқчи ва тўхтаб қолиш нияти йўқ», — деди Тухель ўйиндан кейинги матбуот анжуманида.

Англия терма жамоаси "L" гуруҳида биринчи ўринни эгаллади ва 1/16 финалга йўл олди. Улар ушбу босқичда Конго ДР терма жамоасига қарши майдонга тушишади.