2026 йилги жаҳон чемпионати гуруҳ босқичининг учинчи туридан ўрин олган баҳсда Аргентина терма жамоаси Иордания миллий терма жамоаси устидан 3:1 ҳисобида ғалаба қозонди. «Альбиселесте»нинг юлдуз ҳужумчиси Лионель Месси учрашув якунланганидан сўнг ўз саҳифасида пост қолдирди.
«Гуруҳ босқичи якунида яна бир ғалаба. Биргаликда давом этамиз», — деб ёзади 39 ёшли форвард ижтимоий тармоқлардаги расмий саҳифасида.
Бўлиб ўтган учрашувда Месси рақиб дарвозасини ишғол қилишга муваффақ бўлди. Лионель мундиалнинг гуруҳ босқичидаги учта ўйинда ўз ҳисобига 6 та гол ёздириб қўйди.
1/16 финалда Аргентина терма жамоаси Кабо-Верде миллий терма жамоаси билан тўқнаш келади. Учрашув 4 июль куни бўлиб ўтади.
