«Манчестер Юнайтед» матбуот хизмати жароҳат олган ярим ҳимоячи Мануэль Угартенинг ташхисини расман эълон қилди. Хавбек тиззасидаги хочсимон бойламларнинг узилиши сабабли 9-12 ойга сафдан чиқди.
Эслатиб ўтамиз, Угарте 2026 йилги жаҳон чемпионати гуруҳ босқичининг 3-туридан ўрин олган Уругвай ва Испания терма жамоалари ўртасидаги учрашувда жароҳат олган эди. Шифокорлар уругвайлик футболчини майдондан замбилда олиб чиқиб кетишганди.
«Клубдаги барча Мануэлга тезроқ соғайиб кетишини тилайди ва уни ҳар бир босқичда қўллаб-қувватлайди», — дея футболчига далда берди клуб матбуот хизмати.
Якунланган мавсумда Угарте «МЮ» сафида 24 та ўйинда майдонга тушди ва самарали ҳаракатлар амалга ошира олмади. Унинг «қизил иблислар» билан шартномаси 2029 йилнинг ёзига қадар мўлжалланган.
