Англия терма жамоасининг собиқ ҳужумчиси Гари Линекер Жаҳон чемпионатида Германиянинг Францияга қарши эҳтимолий тўқнашувдаги имкониятларини баҳолади.
Агар французлар 1/16 финалда Швецияни мағлуб этса, немислар эса Парагвай устидан ғалаба қозонса, жамоалар 1/8 финалда тўқнаш келишлари мумкин.
— 1/8 финалдаги эҳтимолий рақиб — Германия терма жамоаси французларни мағлуб эта оладими?
— Мен Германиянинг ўйинини кузатдим ва менинг фикримча — балки адашаётгандирман, — бу мен кўрган энг кучсиз Германия терма жамоаларидан бири. Франция ҳеч қандай муаммосиз чорак финалга чиқиши мумкин.
— Аммо бу барибир Жаҳон чемпионатидаги Франция — Германия учрашуви бўлади-ку…
— Сиз шундай деяпсиз, лекин мен Германия кўп жиҳатдан ўтмиш билан яшамоқда деб ҳисоблайман. Бу терма жамоанинг энг кучли таркиби эмас. Эслатиб ўтаман, улар охирги иккита Жаҳон чемпионатида ҳатто гуруҳдан ҳам чиқа олишмаган эди. Шундай экан, менимча, хотиржам ухлайверишингиз мумкин, — деди Линекер L’Equipe нашрига берган интервьюсида.
