Калининграднинг «Балтика» клуби бош мураббийи бўлиб ишлаётган россиялик мутахассис Андрей Талалаев Ўзбекистон миллий терма жамоасининг Жаҳон чемпионати — 2026 мусобақасидан чиқиб кетганига изоҳ берди.
«Таркибида Ҳусанов, Файзуллаев ва Шомуродов каби футболчилари бўлган жамоа учун 2:11 тўплар нисбати ва бирорта ҳам очко ололмаслик — бу жуда ошиб тушди. Мураббий алмашиши мана нимага олиб келади. Эски тизимни йўқ қилишди, янгисини эса қурола олишмади», — дея мутахассиснинг сўзларидан иқтибос келтиради «Спорт-Экспресс» нашри.
Эслатиб ўтамиз, Жаҳон чемпионатининг гуруҳ босқичида Ўзбекистон терма жамоаси бирорта ҳам очко жамғара олмади ва ўз гуруҳида сўнгги ўринни эгаллади.
