Kaliningradning «Baltika» klubi bosh murabbiyi bo‘lib ishlayotgan rossiyalik mutaxassis Andrey Talalayev O‘zbekiston milliy terma jamoasining Jahon chempionati — 2026 musobaqasidan chiqib ketganiga izoh berdi.
«Tarkibida Husanov, Fayzullayev va Shomurodov kabi futbolchilari bo‘lgan jamoa uchun 2:11 to‘plar nisbati va birorta ham ochko ololmaslik — bu juda oshib tushdi. Murabbiy almashishi mana nimaga olib keladi. Eski tizimni yo‘q qilishdi, yangisini esa qurola olishmadi», — deya mutaxassisning so‘zlaridan iqtibos keltiradi «Sport-Ekspress» nashri.
Eslatib o‘tamiz, Jahon chempionatining guruh bosqichida O‘zbekiston terma jamoasi birorta ham ochko jamg‘ara olmadi va o‘z guruhida so‘nggi o‘rinni egalladi.
