«Пари Сен-Жермен» клуби «Милан»нинг 18 ёшли дарвозабони Алессандро Лонгонини эркин агент мақомида ўз сафига қўшиб олди. Бу ҳақда таниқли инсайдер Фабрицио Романо хабар бермоқда.
Ёш посбон «Милан» клуби тарбияланувчиси ҳисобланиб, шу пайтгача жамоанинг ёшлар ва ўринбосарлар таркибида фаолият юритиб келаётган эди.
Романонинг ёзишича, Лонгони Париж клубида Матвей Сафонов ва Люка Шевальедан кейин жамоанинг учинчи рақамли дарвозабонига айланади. Жамоанинг бошқа бир 19 ёшли посбони Ренато Марин эса тажриба тўплаши учун Португалия клубларидан бирига ижарага бериб юборилади.
