Жанубий Африка Республикаси (ЖАР) терма жамоаси бош мураббийи Хуго Брос Жаҳон чемпионати — 2026 мусобақасида ёш билан боғлиқ мутлақ рекордни ўрнатди. Жанубий африкаликлар ЖЧ-2026нинг 1/16 финали доирасида Канада терма жамоасига қарши баҳс олиб боришди ва 0:1 ҳисобида мағлуб бўлишди.
Squawka статистика порталининг хабар беришича, Брос 74 ёш-у 79 кунлигида мазкур йирик турнирнинг плей-офф босқичида жамоани майдонга бошлаб тушган энг ёши катта мутахассис сифатида тарихдан жой олди.
Маълумот учун, Хуго Брос 2022 йилдан буён ЖАР терма жамоасини бошқариб келмоқда (бунгача у 2021 йилдан 2022 йилгача ҳам жамоага устозлик қилган). Бельгиялик таниқли мутахассиснинг узоқ йиллик мураббийлик фаолияти узоқ 1988 йилда бошланган эди.
