«ПСЖ» ва Бразилия терма жамоаси марказий ҳимоячиси Маркиньос Жаҳон чемпионати — 2026 нинг 1/16 финали доирасидаги Японияга қарши ўйин олдидан Кенто Сиогаининг яқинда айтган гапларига муносабат билдирди.
Бундан аввалроқ осиёликлар жамоаси ҳужумчиси бразилияликларнинг муваффақият даври ортда қолганига шама қилганди. Шунингдек, Сиогаи 34 ёшли ҳужумчи Неймарга ҳам пичинг қилиб, уни «энди аввалгидек эмас» деб атаган эди.
«Бу бироз манманлик эди. Бизни янада руҳлантириш учун бундай гапларни гапиришда давом этишаётгани яхши, албатта. Биз эса камтарлик билан, ўз мақсадимизга эришиш учун қаттиқ меҳнат қилишда давом этамиз. Бундай баландпарвоз гапларни эса рақибларимизга қолдирамиз», — дея ҳимоячининг сўзларини келтиради Cazé TV.
Бразилия ва Япония ўртасидаги учрашув бугун, 29 июнь куни бўлиб ўтади. ЎйинТошкент вақти билан 22:00 га белгиланган.
