Швеция терма жамоаси ва Лондоннинг «Арсенал» клуби ҳужумчиси Виктор Дьёкереш Жаҳон чемпионатининг 1/16 финали доирасида Франция терма жамоасига қарши бўлиб ўтадиган учрашув олдидан ўз кутилмалари билан ўртоқлашди.

Ушбу баҳс 1 июль куни бўлиб ўтади, учрашувнинг старт ҳуштаги Тошкент вақти билан 02:00 да чалинади. Французлар ушбу қарама-қаршиликнинг яққол фаворити ҳисобланишмоқда.

«Биз майдонга учрашувда ғалаба қозонишимиз мумкинлигига бўлган ишонч билан чиқишимиз керак. Агар ўша куни омадимиз чопса, менимча, ажойиб ўйин кўрсата олишимиз мумкин. Бизни нима кутаётганини жуда яхши билиб турибмиз», — дея матбуот анжуманида баёнот берди Дьёкереш.

Швеция терма жамоаси Нидерландия ва Япониядан кейин 4 очко жамғариб, ўз гуруҳида учинчи ўринни эгаллади. Франция эса 9 очко билан ўз гуруҳида пешқадам бўлди.