Бразилия терма жамоаси марказий ҳимоячиси Маркиньос Жаҳон чемпионати — 2026 нинг 1/16 финали доирасида Япония терма жамоасига қарши бўлиб ўтадиган учрашув олдидан ўз фикрларини билдирди.
«Осон бўлмаган ўйин кутмоқда, аммо биз тўлиқ тайёрмиз. Рақибни асло камситмаймиз. Япония гуруҳ босқичида ўз даражасини кўрсата олди. Биз уларнинг кучли томонларини зарарсизлантиришимиз керак. Жамоамиз эса ўйиндан ўйинга кучайиб бормоқда», — дея футболчининг сўзларини келтиради Globo нашри.
Бразилия ва Япония терма жамоалари ўртасидаги учрашув душанба, 29 июнь куни бўлиб ўтади. Баҳснинг старт ҳуштаги Тошкент вақти билан 22:00 да чалинади.
