Уругвай терма жамоасининг собиқ ҳужумчиси Диего Форлан миллий жамоа дарвозабони Фернандо Муслеранинг 2026 йилги Жаҳон чемпионатидаги муваффақияциз ўйини сабаблари ҳақида гапириб берди.
Дарвозабон гуруҳ босқичи ўйинларида ўз дарвозасидан ўрин олган камида учта тўпда бевосита айбдор бўлди. Испания терма жамоасига қарши кечган сўнгги баҳсда у испаниялик Алекс Баэнанинг йўллаган зарбасини қайтаришда хатога йўл қўйди ва тўпни ўтказиб юборди.
Уругвай ушбу учрашувда 0:1 ҳисобида мағлуб бўлди ва гуруҳда учинчи ўринни эгаллаб, плей-офф босқичига чиқа олмади. Форланнинг ESPN телеканалига маълум қилишича, ўйин арафасида Муслеранинг тана ҳарорати жуда юқори — тахминан 40-41 даражагача кўтарилган.
Шу сабабли дарвозабоннинг ўзи учрашувнинг танаффус пайтида алмаштиришларини сўраган, ўйиндан сўнг эса Уругвай халқидан узр сўраган.
