Жаҳон чемпионати — 2026 гуруҳ босқичи учрашувларини стадионлардан туриб жами 4,6 миллиондан зиёд мухлис томоша қилди.

«Жаҳон чемпионати гуруҳ босқичи статистикаси турнирнинг нақадар улкан миқёсда ўтаётганини кўрсатмоқда. Бу кўрсаткичлар футбол майдонидан ҳам ташқарига чиқиб, мухлисларнинг барча жабҳалардаги фаоллигини қамраб олди: ўйинларга ташриф буюрган 4 644 549 нафар инсондан тортиб, стадионларда ейилган 300 000 та хот-доггача», — дейилади ташкилот баёнотида.

Жаҳон чемпионатлари тарихидаги умумий ташриф бўйича рекорд айнан шу сафарги гуруҳ босқичи ўйинлари давомидаёқ янгиланишга улгурди.

Бундан аввалги рекорд 1994 йили АҚШда бўлиб ўтган Жаҳон чемпионатида қайд этилган эди. Ўшанда турнир баҳсларини стадионлардан жами 3 587 538 нафар мухлис кузатганди.

Маълумот учун, мусобақанинг гуруҳ босқичида 72 та учрашув ўтказилди. Турнир давомида жами 104 та ўйин бўлиб ўтади.