«Манчестер Сити» йирик трансферни амалга оширишга ҳозирлик кўрмоқда. Marca нашрининг хабар беришича, «шаҳарликлар»нинг ёзги трансфер ойнасидаги навбатдаги хариди «Ньюкасл» ярим ҳимоячиси Сандро Тонали бўлиши мумкин.
Қайд этилишича, «Манчестер Сити» раҳбарияти 26 ёшли италиялик футболчи учун тахминан 110 миллион евро тўлашга рози. Тонали «Ньюкасл» сафида 2023 йилнинг ёзидан буён тўп суриб келмоқда. Ўшанда у «Милан»дан қарийб 60 миллион евро эвазига сотиб олинган эди. Унинг «қарғалар» билан амалдаги шартномаси 2028 йилнинг июнига қадар мўлжалланган.
Бундан аввалроқ «Сити» «Ноттингем Форест»га инглиз ярим ҳимоячиси Эллиот Андерсон учун 135 миллион евро тўлаши кутилаётган эди.
