Каземиро 11 кундан кейин Бебетонинг рекордини янгилаб, Бразилия терма жамоаси тарихидаги энг ёши катта гол муаллифига айланиши мумкин.
Японияга қарши кечган 1/16 финал учрашувида Каземиро 34 ёшу 126 кунлигида гол урди. Бебето эса миллий терма жамоа либосида сўнгги бор гол киритганида 34 ёшу 137 кунлик эди.
Ушбу натижани янгилаш учун бразилияликлар камида ярим финалга йўл олишлари ва унда Каземиро гол уриши талаб этилади.
Япония билан учрашув Карло Анчелотти шогирдларининг 2:1 ҳисобидаги ғалабаси билан якунланди ва жамоа кейинги босқичга йўл олди. Каземиро 56-дақиқада мувозанатни тиклаган эди.
Кейинги босқичда Бразилияга Норвегия ва Кот-д'Ивуар жуфтлиги ғолиби рақиблик қилади.
