Kazemiro 11 kundan keyin Bebetoning rekordini yangilab, Braziliya terma jamoasi tarixidagi eng yoshi katta gol muallifiga aylanishi mumkin.
Yaponiyaga qarshi kechgan 1/16 final uchrashuvida Kazemiro 34 yoshu 126 kunligida gol urdi. Bebeto esa milliy terma jamoa libosida so‘nggi bor gol kiritganida 34 yoshu 137 kunlik edi.
Ushbu natijani yangilash uchun braziliyaliklar kamida yarim finalga yo‘l olishlari va unda Kazemiro gol urishi talab etiladi.
Yaponiya bilan uchrashuv Karlo Anchelotti shogirdlarining 2:1 hisobidagi g‘alabasi bilan yakunlandi va jamoa keyingi bosqichga yo‘l oldi. Kazemiro 56-daqiqada muvozanatni tiklagan edi.
Keyingi bosqichda Braziliyaga Norvegiya va Kot-d'Ivuar juftligi g‘olibi raqiblik qiladi.
