Жаҳон чемпионати 1/16 финалидан ўрин олган учрашувда Бразилия терма жамоасига Япония билан баҳсда ғалаба келтирган гол муаллифи Габриэл Мартинелли ўз муваффақияти ҳақида гапирди.
«Тўғрисини айтсам, ҳозир гапиришга сўз тополмаяпман. Жамоамга ёрдам бера олганимдан жуда ҳам бахтлиман. Майдоннинг қайси нуқтасида — чап қанотда ёки марказда ўйнашимнинг умуман аҳамияти йўқ. Энг муҳими — жамоамга фойда келтирдим», — дея Мартинеллининг сўзларини келтиради ФИФА матбуот хизмати.
Эслатиб ўтамиз, Мартинелли иккинчи бўлимда захирадан майдонга тушган эди ва ҳакам томонидан қўшиб берилган вақтнинг сўнгги дақиқасида аниқ зарба йўллаб, беш карра жаҳон чемпионларига 2:1 ҳисобидаги ғалабани тақдим этди.
