Jahon chempionati 1/16 finalidan o‘rin olgan uchrashuvda Braziliya terma jamoasiga Yaponiya bilan bahsda g‘alaba keltirgan gol muallifi Gabriel Martinelli o‘z muvaffaqiyati haqida gapirdi.
«To‘g‘risini aytsam, hozir gapirishga so‘z topolmayapman. Jamoamga yordam bera olganimdan juda ham baxtliman. Maydonning qaysi nuqtasida — chap qanotda yoki markazda o‘ynashimning umuman ahamiyati yo‘q. Eng muhimi — jamoamga foyda keltirdim», — deya Martinellining so‘zlarini keltiradi FIFA matbuot xizmati.
Eslatib o‘tamiz, Martinelli ikkinchi bo‘limda zaxiradan maydonga tushgan edi va hakam tomonidan qo‘shib berilgan vaqtning so‘nggi daqiqasida aniq zarba yo‘llab, besh karra jahon chempionlariga 2:1 hisobidagi g‘alabani taqdim etdi.
