Япония терма жамоаси бош мураббийи Ҳадзиме Мориясу Жаҳон чемпионатининг 1/16 финалидан ўрин олган Бразилияга қарши учрашув якунларини сарҳисоб қилди. Мазкур баҳс унинг шогирдларининг 1:2 ҳисобидаги мағлубияти билан якунланди.
«Мусобақани айнан шу босқичда тарк этаётганимиздан жуда ҳам хафаман. Аммо бугун футболчилар худди бизни шу ергача бошлаб келган бутун йўлимиз давомида бўлгани каби бор кучларини беришди. Мураббийлар штаби ҳам жамоага ёрдам бериш учун тиним билмай меҳнат қилди. Ҳозир ичим бўшаб қолгандек, чунки биз қўлимиздан келган барча ишни қилгандик. Ушбу мағлубият терма жамоамизни янада кучлироқ қилишини истайман», — дея мутахассиснинг сўзларини келтиради ФИФА матбуот хизмати.
Аввалроқ хабар берилганидек, Япониянинг турнир плей-оффининг илк босқичидаёқ чиқиб кетиши жорий асрдаги бешинчи ҳолат бўлди.
