«Реал» ва Испания терма жамоасининг собиқ дарвозабони Икер Касильяс футбол учрашувларини 4 та бўлимга ажратиш ғояси устида бош қотиришни таклиф қилди.
Жаҳон чемпионати — 2026 мусобақасида жамоалар ҳар бир бўлимнинг ўртасида сув ичиб олиш учун уч дақиқалик танаффуслар қилишмоқда.
«Ўйинлар давомида сув ичиш учун тўхталишлар одатий ҳолга айланиб бораётганини инобатга олсак, учрашувларни 25 дақиқадан 4 та даврга бўлиш футбол ўйинлари учун яхши ғоя бўлиши мумкин эмасми? Буни сизга мулоҳаза учун қолдираман», — деб ёзди Касильяс.
