Лондоннинг «Тоттенҳэм» клуби яримҳимоячи Лукас Бергвалл борасида якуний қарорга келди. Бу ҳақда The Telegraph нашри журналисти Жон Перси хабар бермоқда.
Манбанинг маълум қилишича, «шпорлар» раҳбарияти швециялик иқтидор эгасини трансферга қўймаслик ва ҳар қандай таклифни рад этиш позициясида турибди. Клуб уни дахлсиз деб ҳисоблайди.
Қайд этилишича, жамоа бош мураббийи Роберто Де Дзерби ва техник директор Йохан Ланге футболчининг ўзи билан махсус учрашув ва музокаралар ўтказган. Улар суҳбат давомида Бергваллни клубнинг келажакдаги лойиҳасида жуда муҳим рол ўйнашига ишонтиришган ва унинг жамоадаги ўрни юқори эканини таъкидлашган.
