Londonning «Tottenhem» klubi yarimhimoyachi Lukas Bergvall borasida yakuniy qarorga keldi. Bu haqda The Telegraph nashri jurnalisti Jon Persi xabar bermoqda.

Manbaning ma’lum qilishicha, «shporlar» rahbariyati shvesiyalik iqtidor egasini transferga qo‘ymaslik va har qanday taklifni rad etish pozisiyasida turibdi. Klub uni daxlsiz deb hisoblaydi.

Qayd etilishicha, jamoa bosh murabbiyi Roberto De Dzerbi va texnik direktor Yoxan Lange futbolchining o‘zi bilan maxsus uchrashuv va muzokaralar o‘tkazgan. Ular suhbat davomida Bergvallni klubning kelajakdagi loyihasida juda muhim rol o‘ynashiga ishontirishgan va uning jamoadagi o‘rni yuqori ekanini ta’kidlashgan.