«Барселона» дарвозабони Жоан Гарсия Марк-Андре тер Штегеннинг жамоадан кутилаётган кетиши ҳақида ўз фикрлари билан ўртоқлашди. Яқин вақт ичида футболчи «Аякс»га ўтиши кутилмоқда.

«Тер Штеген билан боғлиқ вазият қандай эканини билмайман. Агар барча томонлар кетиш энг яхши қарор деб ҳисобласа, умид қиламанки, бу Марк учун энг яхшиси бўлади. Иккита қийин мавсумдан кейин у учун энг муҳими — тўғри танлов қилишдир», — дея Гарсиянинг сўзларини келтиради Barça Universal.

Ўтган мавсумнинг иккинчи қисмини тер Штеген «Жирона»да ижарада ўтказди. 34 ёшли дарвозабон бор-йўғи иккита ўйинда майдонга тушди, шундан сўнг оғир жароҳат олди.

Қўшимча қилиш жоизки, германиялик футболчининг «Барселона» билан шартномаси 2028 йилгача мўлжалланган.