Бирмингемнинг «Астон Вилла» клуби собиқ футболчиси Габриэль Агбонлахор Мадриднинг «Реал» клуби ҳамда Франция терма жамоаси юлдузли форварди Килиан Мбаппе ва бразилиялик афсонавий ҳужумчи Роналдо ўртасида таққослаш ўтказди.
«Агар Роналдо шундай голлар урганида, бутун дунё ақлдан озган бўларди. Мбаппе биз Роналдонинг ўйинини кўрганимиздан бери унинг даражасига энг яқин келган футболчидир», — дея собиқ ўйинчининг сўзларини келтиради Talksport.
2026 йилги жаҳон чемпионатининг 1/16 финал босқичида Франция терма жамоаси Швеция устидан 3:0 ҳисобида ишончли ғалабага эришди. Мбаппе ушбу учрашувда ўз ҳисобига иккита гол ёздириб қўйди.
Мундиал тўпурарлари пойгасида француз аргентиналик Лионель Месси билан биринчи ўринни бўлишиб турибди. Ҳар икки футболчи ҳам турнирда олтитадан гол уришга улгурди.
