«Челси» «Борнмут» ҳужумчиси Эли Жуниор Крупига даъвогарлик қилаётган клублар қаторига қўшилди. «Кўклар» 20 ёшли футболчи билан унинг вакиллари орқали боғланишди, дея хабар бермоқда Transfer News Live портали CaughtOffside нашрига таянган ҳолда. Лондон клуби раҳбарияти форварднинг ўтган мавсумдаги ўйинларидан катта таассурот қолдирган.
Эли Жуниор Крупига шунингдек «Арсенал» ва «ПСЖ» клублари ҳам жиддий қизиқиш билдирмоқда. «Борнмут» эса ўз истиқболли футболчисини осонликча қўйиб юборишни истамаяпти ва у учун 100 миллион фунт стерлинг (116 миллион евро) дан ортиқ маблағ талаб қилмоқда.
Ёш франциялик футболчи Англия Премьер-лигасининг ўтган мавсумида «олчалар» сафида 33 та баҳсда майдонга тушиб, ўз ҳисобига 13 та гол ёздириб қўйишни уддалади.
