1995 йилги «Олтин тўп» соҳиби Жорж Веа Ламин Ямални ҳозирча Килиан Мбаппе билан таққослаб бўлмаслигини таъкидлади.
Франция терма жамоаси ҳужумчиси 2026 йилги жаҳон чемпионатининг 1/16 финали доирасида Швецияга қарши кечган баҳсда (3:0) дубль қайд этган эди. Жорий турнирда унинг ҳисобида жами 6 та гол ва 2 та голли узатма мавжуд.
«У — феномен. У ҳақиқатан ҳам жуда кучли футболчи ва ажойиб тўпурар. Ламин Ямаль — ҳали ёш йигит ва у билан Килиан Мбаппени солиштирмаслик лозим. Мбаппе — феномен, Ямаль эса энди ўсиб келаётган футболчи.
Умид қиламанки, Ламин Ямаль ўз фаолиятида ўсишда давом этади, бироқ уни Мбаппе билан тенглаштириб бўлмайди. Ҳамма биладики, Мбаппе ундан анча устун», — деди Веа El Chiringuito кўрсатуви эфирида.
