1995 yilgi «Oltin to‘p» sohibi Jorj Vea Lamin Yamalni hozircha Kilian Mbappe bilan taqqoslab bo‘lmasligini ta’kidladi.
Fransiya terma jamoasi hujumchisi 2026 yilgi jahon chempionatining 1/16 finali doirasida Shvesiyaga qarshi kechgan bahsda (3:0) dubl qayd etgan edi. Joriy turnirda uning hisobida jami 6 ta gol va 2 ta golli uzatma mavjud.
«U — fenomen. U haqiqatan ham juda kuchli futbolchi va ajoyib to‘purar. Lamin Yamal — hali yosh yigit va u bilan Kilian Mbappeni solishtirmaslik lozim. Mbappe — fenomen, Yamal esa endi o‘sib kelayotgan futbolchi.
Umid qilamanki, Lamin Yamal o‘z faoliyatida o‘sishda davom etadi, biroq uni Mbappe bilan tenglashtirib bo‘lmaydi. Hamma biladiki, Mbappe undan ancha ustun», — dedi Vea El Chiringuito ko‘rsatuvi efirida.
