«Челси»нинг Мало Гюстонинг эҳтимолий трансфери бўйича қўяётган талаблари «Манчестер Сити» учун жуда юқорилик қилмоқда.

Фабрицио Романонинг берган маълумотига кўра, Лондон клуби 23 ёшли ҳимоячини 75 миллион фунт стерлингга баҳоламоқда. «Шаҳарликлар»га француз футболчисининг ўйини маъқул келмоқда, бироқ улар бунчалик катта суммани тўлаш ниятида эмаслар.

Агар «кўклар» ўз талабларини пасайтиришмаса, «Сити» эътиборини бошқа номзодларга қаратади.

АПЛнинг ўтган мавсумида Гюсто 34 та учрашувда майдонга тушиб, 2 та гол урди ва 3 та голли узатмани амалга оширди.