Уругвай терма жамоаси собиқ бош мураббийи Марсело Бьелса ярим ҳимоячи Федерико Вальверде билан муносабатлари ҳақида гапириб, ўртадаги эҳтимолий тушунмовчиликлар ҳақидаги миш-мишларни рад этди.
«Менинг Федерико Вальверде билан ҳеч қачон муаммом бўлмаган. Мен бирор бир футболчига Вальвердега берганимдек катта эркинлик ва мослашувчанлик тақдим этмаганман, чунки у бунга тўлиқ лойиқ эди.
Мен унга, балки сени ўнг қанот ҳимоячиси сифатида ишлатарман, деб айтдим ва Мадриднинг «Реал» клубида ўйнаб, унга қарши тўп суриши мумкин бўлган беш нафар чап қанот вингерини кўрсатдим. Шунингдек, у ўнг қанотда ёки ўзининг асосий позицияси — ярим ҳимояда ўйнаши мумкинлигини ҳам айтдим. У эса менга: «Мураббий, мен жамоага қаерда керак бўлсам, ўша ерда ўйнайман», деб жавоб берди», — дея Бьелсанинг сўзларидан иқтибос келтирмоқда AS нашри.
