Urugvay terma jamoasi sobiq bosh murabbiyi Marselo Byelsa yarim himoyachi Federiko Valverde bilan munosabatlari haqida gapirib, o‘rtadagi ehtimoliy tushunmovchiliklar haqidagi mish-mishlarni rad etdi.
«Mening Federiko Valverde bilan hech qachon muammom bo‘lmagan. Men biror bir futbolchiga Valverdega berganimdek katta erkinlik va moslashuvchanlik taqdim etmaganman, chunki u bunga to‘liq loyiq edi.
Men unga, balki seni o‘ng qanot himoyachisi sifatida ishlatarman, deb aytdim va Madridning «Real» klubida o‘ynab, unga qarshi to‘p surishi mumkin bo‘lgan besh nafar chap qanot vingerini ko‘rsatdim. Shuningdek, u o‘ng qanotda yoki o‘zining asosiy pozisiyasi — yarim himoyada o‘ynashi mumkinligini ham aytdim. U esa menga: «Murabbiy, men jamoaga qayerda kerak bo‘lsam, o‘sha yerda o‘ynayman», deb javob berdi», — deya Byelsaning so‘zlaridan iqtibos keltirmoqda AS nashri.
