Босния ва Герцеговина терма жамоаси ҳужумчиси Эдин Жеко Жаҳон чемпионатлари тарихида ноёб натижа қайд этди.

Opta маълумотига кўра, 40 ёш-у 106 кунлик Жеко Жаҳон чемпионати плей-офф босқичида майдонга тушган 40 ёш ва ундан катта ёшдаги илк майдон футболчисига айланди.

Тажрибали ҳужумчи Жаҳон чемпионати–2026 1/16 финалида АҚШга қарши учрашувнинг асосий таркибида майдонга тушди. Хабар ёзилаётган вақтда баҳснинг биринчи бўлими давом этаётган бўлиб, ҳисоб очилмаган — 0:0.

ЖЧ-2026. Финал босқичи. 1/16 финал

2 июль, 2026 йил. Атланта (АҚШ).

АҚШ — Босния ва Герцеговина — 0:0 (1-бўлим давом этмоқда).

Эслатиб ўтамиз, АҚШ терма жамоаси D гуруҳида биринчи ўринни эгаллаган бўлса, Босния ва Герцеговина B гуруҳини учинчи поғонада якунлаган.