Англиялик собиқ футболчи ва мураббий Скотт Паркер Англия терма жамоасининг ҳозирги таркибидаги асосий футболчини маълум қилди. Яқин вақтгача «Бёрнли»да ишлаган 45 ёшли мутахассис «Арсенал» ярим ҳимоячиси Деклан Райсни алоҳида қайд этди.

«Англиянинг ғалабадан умидлари ҳақида гапирганимда, хаёлимга тўртта сўз келади: «Бизга Деклан Райс керак». Бундай футболчи – ҳар қандай мураббийнинг орзуси. Агар терма жамоа узоқроққа бормоқчи бўлса, у Тухелга жуда зарур. Деклан майдонда ундан нима сўралса, барчасини бажаришга тайёр. Мен Райсни шахсан танимайман, лекин унинг аҳамияти қанчалик катта эканлигини тушуниш учун ўз жамоаларим билан унга қарши етарлича тўқнаш келганман», – дея Паркернинг сўзларини келтирмоқда Англия ОАВлари.

Инглизлар Жаҳон чемпионатининг 1/16 финалида ДР Конгони қийинчилик билан мағлуб этишди (2:1). Ўйинда Ҳарри Кейн дублга эришган бўлса, Деклан Райс 89-дақиқада захирага олинди.