Мадриднинг «Реал» клубига фаол равишда ўтиши айтилаётган Лондоннинг «Челси» клуби ярим ҳимоячиси Энцо Фернандеснинг агенти Хавьер Пасторе мижозининг келажаги ҳақида фикр билдирди.

«Ҳозирда биз «Челси»дан кетиш вариантларини кўриб чиқяпмиз», — дея Пасторенинг сўзларини келтирмоқда Marca.

Энцо Фернандес 2023 йилда «Бенфика»дан 121 миллион евро эвазига «Челси»га ўтган эди. Унинг шартномаси 2032 йилнинг 30 июнига қадар мўлжалланган. 2025/26 йилги мавсумда аргентиналик футболчи Лондон клуби сафида барча мусобақаларда 54 та ўйин ўтказиб, 15 та гол урди ва 7 та голли узатмани амалга оширди. Transfermarkt портали Фернандеснинг трансфер баҳосини 90 миллион еврога баҳоламоқда.